September 24, 2010

Pa'es...

Trip aku ampus ka Samunsam kandiak,kami kaupa'atn nabanan'nak garanseng/kenceng yak nyumanak ampahatn.Mujur ugak ayukngku ada pengalaman jamaey maok nyumanak ampahatn makey epet ngan daukng Bindak mudak,an ba dama 'Pa'es'.Aku anak nahuik giak,pa'es koa bahasa Salako k bukatn,tapi jakoa ayukngku koa nyabut ia.Daaph nyian,pakakas daaph Babotn,di nyancakng,akak koa di ngaul ngan rampah,garek ngan MSG.Akak koa,di ngepet ngan daukng Bindak mudak ,dua lapis..
Akak koa,epetatn koa tae di ngantungan atas api,aya nyaley ugak.Ia anak muih kana api,sabab koa akan ngangusatn daukng pangepet koa...
Nyianlah gambarey dah karikng,akak di nganggang atas api selama 4 jam.Mula'ey,aku anak pucayak giak ia masakak,sabab di ngantungan tingi atas api.Tapi bila ku nangar ia ngingkorak ugak bunyi daap'mey,baruk aku pucayak...udahlah nyium bau'ey...hummm,tarus anak sabar maok muka'ak epetatn koa..
Nyian gambarey dah masak.First time aku nanang cara nyian ngan nacapik ia.Memang nyaman.Nyarap rasa salagik nak rampahey koa.Agik pun,Pa'es nyian tahan ama,sampey talu ari anak barik.Muih coba mun maok...hehehe...

September 16, 2010

September 08, 2010

Basikal 'Heavy Duty'..

Basikal nyian memang special,di ubahsuai untuk nabanan bebanan melebihi berat 200kg,biasa'ey balan(kayu segi) ,tihakng Buyatn(Belian) ngan kayu Garu(Gaharu).Kelebihan basikal nyian,ia dapat di pakey ngangkut kayu umpat di tampat an anak dapat di tama'ik buldozer ngan lori.Bebanan salalu'ey akan di ikat di kebak kanan'ney,di sorong nunaatn 'rel' papatn aya daaph gambar di babah.Kadang kadang sampey sa'jauh 28km.Salalu'ey,tiub tayar basikal nyian di lapis dua,basi badaney di namahik pansagar basi buntat,untuk labih tahan agik.Memang kreatif bala naidak subarang mengubahsuai jukut jai'ya ,yak ngagok makatn,yak baridup auk..hehehe..